vendascol.comCaracoles Deluque

es

  • en
  • fr
  • pt
  • ga
  • es
Idioma



  • Botes varios
  • Pincho riojana
  • Caracol
  • Caracoles
  • Pulpo con patatas
  • Caracoles en maya
  • Crias caracoles
  • Caracoles Deluque
  • Pate

 
Blanco
PortadaseparatorNoticiasseparatorPrograma da TVG - Vivir aqui


Programa da TVG - Vivir aqui


Sábado, 25 de Marzo de 2017

Os reporteiros e as reporteiras guíannos por algunhas das granxas máis singulares de Galicia. Explotacións en que se crían razas autóctonas coma o galo ou o porco celta, ata outras orientadas á educación ambiental.

Rosa Bello conversa cos socios e empregados de Ganxabar, a única cooperativa de recría de vacún de Galicia, formada por gandeiros das comarcas de Xallas e Barcala. As crías chegan as instalacións que teñen en Mazaricos aos poucos meses de vida e volven ás granxas dos socios dous meses antes de parir. Raquel Fernández visita a David Sueiro da granxa-escola O curral do Galo Celta, que, desde Vila de Cruces, conseguiu levar a carne de galo celta ás cociñas de chefs coma Pepe Solla ou Martín Berasategui. Xulia Piñeiro lévanos á Granxa Escola Barreiros de Sarria, que foi pioneira en promover a educación ambiental hai sesenta anos. Ademais de recibir visitas escolares, as súas instalacións acollen a diario diferentes actividades en que divulgan o patrimonio natural e invitan a preservalo.

En Arzúa, Nico Campos preséntanos a Manuel Fernández da Granxa do Souto dedicada á cría de porco celta e ao cultivo de millo corvo, unha variedade autóctona de grao negro e fariña cada vez máis apreciada. Julián Gómez visita a granxa de caracois de Carlos Rodríguez, en Esgos. A exportación a Cataluña ou a País Vasco segue a ser o destino de boa parte da súa produción, pero o interese en Galicia medra tamén o interese polo seu valor gastronómico.

Ver video:

http://www.crtvg.es/tvg/a-carta/traballo-nunha-granxa



Más noticias...